Rabia Kadeer 2016

Rabiye qadir xanim bashchiliqidiki heyet gérmaniyede muhim uchrishishlarda bolmaqta

D u q reisi rabiye qadir xanim, muawin reis séyit tümtürk we diniy ishlar komitéti mudiri turghunjan alawuddin qatarliq kishilerdin terkib tapqan heyet 28 – Aprél küni gérmaniyening köhn shehiridiki «milliy görüsh teshkilati» ning merkizide, mezkur teshkilatning bash sékrétari békir altash, teshkilat mesulliridin aliy qizilqaya qatarliq rehberler bilen uchrashti. Yawropadiki eng chong ammiwi teshkilatliridin biri bolghan milliy görüsh teshkilatining merkizide ötküzülgen uchrishishta dunya uyghur qurultiyi reisi rabiye qadir xanim xususen xitayning uyghurlargha élip bériwatqan diniy bésimi üstide toxtalghan we xitay hökümitining bu heqte 2015 – Yili 1 – Ayda qanun chiqirip uyghurlarning diniy étiqadini chekligenlikini anglatqan.

Ular yene «milliy görüsh teshkilati» din taylandta türmide turuwatqan 52 neper uyghur musapirni qutuldurush ishliri we türkiyede qiyinchiliqqa duchar boluwatqan uyghur musapirlar mesililirini türk hökümitige yetküzüshni telep qilghan.

Yawropa «milliy görüsh teshkilati» bash katipi békir atlash ependi dunya uyghur qurultiyi reisi rabiye qadir xanimning bu teleplirige pozitsiye bildürüp, bu mesililerni jiddiy hel qilidighan mesililer süpitide türkiye hökümitige deydighanliqini, qérindash uyghurlargha yardem qilishning türklerning milliy burchi ikenlikini bayan qilghan.

Séyit tümtürk ependi, bu qétimqi yawropa sayahitide yene gérmaniyening frankfurt shehirige bérip, yawropadiki eng chong ammiwi teshkilatliridin biri bolghan «yawropa türk démokratlar birliki» mesulliri bilen uchrishidighanliqini bayan qildi.