rabiye-yaponiye-ziyaret-ayrodrom

Dunya uyghur qurultiyi reisi rabiye qadir xanim tokyogha yétip keldi

24-May dunya uyghur qurultiyi reisi rabiye qadir xanim tokyogha yétip keldi.

Yaponiye uyghur birliki teshkilatidin igilishimizche, dunya uyghur qurultiyi reisi rabiye qadir xanim amérikidin shu yer waqti chüshtin kéyin saet üch yérimda tokyodiki narita xelqara ayrodromigha yétip kelgen. Rabiye qadir xanimni yaponiye uyghur birliki teshkilatining ezaliri we uyghur mesilisini qollighuchilardin teshkillengen bir guruppa kishiler ayrodromgha chiqip qizghin kütüwalghan.

Yaponiye uyghur birliki teshkilatining reisi doktor turmuhemmet hashimning bildürüshiche, rabiye qadir xanim ayrodromda bir qisim yaponiye metbuatlirining we téléwiziye qanallirining ziyaritini qobul qilghan.

Biz bu heqte toluq melumatqa érishish üchün neq meydangha téléfon qilip dunya uyghur qurultiyi reisi rabiye qadir xanim bilen söhbet élip barduq.