uygur german

D.U.Q. reisi rabiye qadir xanim gérmaniyening bérlin shehiride doklat berdi

Dunya uyghur qurultiyining bérlin shehiride chaqirilghan «xelqara uyghur musapirlar mesilisi» mawzuluq yighingha qatnishish üchün kelgen rabiye qadir xanim 25 – Aprél küni türklerning bérlin shehiridiki shéhitler jamisining ichidiki medeniyet merkizide doklat berdi. Doklat bérsh yighinigha gérmaniyening bérlin shehiride turushluq türkiye döliti diniy ishlar idarisining wekili, ülkü ojaqliri teshkilati mesulliri, alperen ojaqliri teshkilatining bérlinda turushluq wekili we bashqa ammiwiy teshkilatlirining mesulliridin bolup 200 etrapida kishi ishtirak qildi.

Dunya uyghur qurultiyi reisi rabiye qadir xanim bu yerde bergen doklatida uyghurlarning hazirqi weziyiti we dunya uyghur qurultiyining cheteldiki paaliyetliri toghrisida qisqiche melumat bergendin kéyin, uyghurlarning türkiyedin we yawrupadiki türk ammiwiy teshkilatliridin kütken ümidliri, 7 – Ayda fransiyede chaqirilidighan dunya uyghur qurultiyining 5 – Nöwetlik qurultiyi toghrisida toxtaldi.

Dunya uyghur qurultiyi reisi rabiye qadir xanim bérlindiki shéhitler jamisi kültür merkizide bergen doklatida, uyghur diyarining peqetla uyghurlarningla emes pütün türkiy milletlerning ata yurti ikenlikini, shunga uyghur dewasiningmu pütün türkiy milletlerning dewasi ikenlikini, shunga bu dewagha pütün türkiy milletlerning bolupmu yawrupadiki türk ammiwiy teshkilatlirining ige chiqishi, maddiy we rohiy jehettin yardem qilishi kéreklikini tekitlidi.

Rabiye qadir xanimning doklati axirlashqandin kéyin, yighin ehli nahayiti qizghinliq bilen soal soridi. Ular, rabiye xanimning türkiyege kélishige néme üchün ruxset qilinmighanliqini, türkiyediki uyghur musapirlarning hazirqi ehwalini, türkiyedin némilerni kütidighanliqini sorighan.

Dunya uyghur qurultiyi reisi rabiye qadir xanim ziyaritimizde, 26 – Aprilda «xelqara uyghur musapirlar mesilisi» mawzuluq yighin axirlashqandin kéyin gérmaniye, firansiye we gollandiye qatarliq döletlerdiki türk ammiwiy teshkilatliri bilen uchriship, ulargha uyghur mesilisi toghrisida doklat bérish bilen birlikte 5 – Nöwetlik dunya uyghur qurultiyini qollap – Quwetlishini telep qilidighanliqini bayan qildi.
germaniye-uyghur-masapirlar-mesilisi-rabiye-qadir-2-1
Alperen ojaqliri teshkilatining bérlinda turushluq mesuli adam qaraja ependi sözide, dunya uyghur qurultiyi reisi rabiye qadir xanimni alahide teklip qilip, uyghurlarning bugunki weziyiti heqqide köpligen melumatqa ige bolghanliqini hemde türklerni ata yurti bolghan bu zéminlardiki xelqlerge yardem qilish pütün türklerning burchi ikenlikini bildürdi.

Ümid agahi ependi bérlinda 300 ming etrapida türk barliqini, bularning siyasi we iqtisadiy jehettin küchlük ikenlikini, uyghurlar bilen türklerning qérindash ikenlikini, shunga türk ammiwiy teshkilatlirining qollap – Quwetlishini qolghan keltürüshning uyghur dewasi üchün zor ehmiyetke ige ikenlikini bayan qildi.

1866 Yilida padishah 3. Frederik teripidin osmanli impériyesining padishahi abduleziz xangha soghat qilip bérilgen shéhitler jamisi kültür merkizi sélinghan yer türkiye jumhuriyitining zémini hésablinidiken. Rabiye qadir xanimning bu doklat bérish yighinigha d u q muawin reisi séyit tümtürk ependi, ümid agahi, turghunjan alawudin ependi qatarliqlarmu qatnashti.

Yuqiridiki ulinishtin, bérlinda ötküzülgen doklat bérish yighini axirlashqandin kéyin d u q reisi rabiye qadir xanim we muawin reis ümid agahi ependi bilen élip barghan söhbitimizning tepsilatini, ularning doklat bérish yighinida némilerni anglatqanliqini, yighin ehlining némilerni sorighanliqini, doklat bérish yighinning ehmiyiti toghrisidiki melumatlirini anglaysiler.