uyghur-musapirlar-mesilisi-1

Bérlinda chaqirilghan uyghurlar musapirlar mesilisi xelqara ilmiy muhakime yighini ghelibilik ayaqlashti

25 – Apréldin bashlap bérlinda chaqirilghan uyghur musapirlar mesilisi xelqara yighini 26 – Aprél ghelibilik axirlashti.

Ikkinchi künige qedem qoyghan xelqaraliq ilmiy muhakime yighini 26 – Aprél etigen yawropa sherqiy türkistan birliki teshkilatining reisi eniwerjanning riyasetchilikide bashlandi.

imageYighinning etigenlik programmisida xeter astidiki milletler teshkilatining wekili ilariya «xelqara qanundiki qayturup bermeslik we qayturup bérishning aldini élish prinsipliri ehdinamisige imza qoymighan döletlerge bir nezer», türkiye fatih uniwérsitéti mutexessisi doktor mettursun beydulla «uyghur kimliki we muhajirette kimlikni saqlap qilish heqqide izdinish», türkiye hajettepe uniwérsitéti mutexessisi doktor erkin ekrem«zamaniwiy uyghur kimliki we uni qoghdash>» qatarliq témilarda maqalilirini oqup öttiwe bu heqte qismen mulahiziler élip bérildi. Ziyaritimizni qobul qilghan doktor erkin ekrem bu heqte qisqiche toxtaldi.

Yighining kéyinki programmilirida xeter astidiki milletler teshkilatining wekili xannoning «musapir uyghurlarning xitaygha qayturup bérilishini toxtitish we sherqiy türkistandiki uyghurlargha yardem qilish» namliq maqalisi, amérikidiki uyghur kishilik hoquq tetqiqat orgining mudiri alim séyitofning «ötmüshtin élinghan achchiq sawaqlar we uyghur musapirlirigha yardem béridighan paydiliq istratégiyeler» namliq maqalisi, yawropa chégraliri uyushmisining wekili haraldning «gérmaniye we yawropa birlikining panahliq we köchmenler siyasiti» namliq maqaller oqup ötülüp bu heqte bezi bir pikirler otturigha qoyuldi.

Yighinning ikkinchi künidiki uyghur musapirlar mesilisi heqqide oqup ötülgen barliq maqalilerge yighin ehli birdek pikir qatnashturup özlirining nöwettiki uyghur musapirlar mesilisige bolghan qarashlirini otturigha qoyup ötti.

Bügünki yighinda yene dunya uyghur qurultiyi teshwiqat merkizining mudiri perhat muhemmidi özining uyghur musapirlar mesilisi toghrisidiki tetqiqat maqalisini oqup keng yighin ehlining alqishigha érishti.

Biz yighindin kéyin bu qétimqi yighin heqqide bezi bir qarashlargha ige bolush üchün bir qisim yighin ehli bilen söhbet élip barduq.

Aldi bilen ziyaritimizni qobul qilghan amérika démokratiyeni ilgiri sürüsh fondining muawin reisi luyisa xanim özining qarashlirini bayan qilip:«men sözümni yighinchaqlap éytsam,uyghur musapirlar mesilisini hel qilish üchün heriket élip bérishimiz we uyghurlarning öz yurtlirida bixeter yashishigha kapaletlik qilishimiz kérek» dédi.

Dunya uyghur qurultiyi ijraiye komitétining mudiri dolqun eysa bu qétimqi yighinning ehmiyiti heqqide toxtaldi. Yighingha ishtirak qiliwatqan london uyghur ansambilining naxshichisi rehime yighin heqqide toxtaldi.

Bérlinda chaqirilghan bu qétimqi uyghur musapirlar mesilisi toghrisidiki xelqaraliq ilmiy muhakime yighinining yépilish murasimida dunya uyghur qurultiyining reisi rabiye qadir xanim uyghur mesilisini qollap kéliwatqan chetellik mutexessislerge uyghur doppisini teqdim qildi.

Yighin chüshtin kéyin saet beshte ghelibilik axirlashti.

Yuqiriqi awaz ulinishidin tepsilatini anglang.